［用心聽孩子的話］
大哥：咩叫未來？
媽（想了想）：當下之後都叫未來，即下一秒未發生的都叫未來⋯
大哥：呢一秒之後呀？
媽：係呀！所以未來好快發生，又成為過去，追不到，好似我講完呢句話都過左好多秒啦！
大哥傻笑：係喎！又真係趕唔切講又過左一秒喎！
過了很久，大哥又冒出一句：
我將來唔想結婚⋯
又是這句話？究竟他受什麼刺激，常把這句話放在口邊？他對婚姻真是這樣無信心？看來我和爸爸要自我檢討一下⋯
當我心裏千迴百轉時，他又冒一句：
我唔想同媽媽分開，我想同你地住，如果真係要分開住，我可唔可以好似你地咁，間中去探爺爺奶奶公公婆婆咁去探你地？我可唔可以同弟弟一齊住？
真相大白，原來他常常記住我的話：
長大了，就要離開父母；找到心愛的另一半，二人成為一體，建立新家庭，這就是婚姻。
我心裏矛盾地說：
傻仔！你將來想返來探我地咪探囉！怕到時係你地都唔想理我地啫（笑）。仲有，可唔可以同弟弟一齊住都要睇下弟弟意願咖！他要結婚要自立要自己一個住，我地都干預唔到咖（大笑）
原來《我討厭媽媽》的情節都是真的，孩子這階段總是依戀父母，只是說不出口，有時又說反話，惹父母生氣注意，但他們仍是愛父母的。
註：這是蝸牛媽媽最近在一所小學圖書課分享的圖書。我現任一所小學的圖書館主任，在學校繼續推廣閱讀✌🏻
Search